Американската армија планира да купи најмалку еден милион дронови во следните две до три години, а во следните години тој број би можел да достигне неколку милиони годишно, изјави денес секретарот на американската армија, Даниел Дрискол.
Во интервју за агенцијата Ројтерс, Дрискол рече дека планираното забрзување на набавката на беспилотни летала ќе претставува „голем предизвик“, со оглед на тоа што американската војска моментално набавува околу 50.000 дронови годишно.
„Тоа е огромна задача, но ние сме целосно способни да ја извршиме“, нагласи Дрискол.