Микола Олешук, командант на воздухопловните сили на Украина, изјави за националната телевизија дека воените пилоти во земјата почнале заедничка обука со американските пилоти на борбени авиони Ф-16.
– Авионот Ф-16 беше во Украина. Слета на нашите писти, изведовме заедничка обука со пилоти Ф-16… Вчера двајца мои пилоти беа тестирани од американски инструктори – изјави во саботата Олешчук, пренесува Си-Ен-Ен.
Се наведува дека Олешук додал дека, иако вкупниот период на обука трае 32 месеци, „одлучено е оваа класа пилоти да може да го совлада Ф-16 за четири месеци“.
Си-Ен-Ен јавува дека Олексиј Резников, министер за одбрана на Украина, исто така потврдил дека започнала обуката на овие борбени авиони.
🛬🇺🇦 BREAKING: F-16 fighter jets have touched down in Ukraine, confirms Lt. Gen. Mykola Oleshchuk, Head of Ukraine's Air Force. Ukrainian pilots have experience operating the F-16s, and the country is preparing its airfields for more of these aircraft. #Ukraine #F16 #AirForce 🛫 pic.twitter.com/1j7CcPvJHL
— ThePoliticoSphere (@GlobePolitico) August 20, 2023
Тој, наводно, рекол во одделно телевизиско интервју емитувано во саботата дека во обуката заедно со пилотите биле вклучени и украински инженери и техничари.
Американската телевизија објави дека Резников не сакал да открие колку ќе трае обуката, но дека изјавил дека „минималното времетраење на обуката е шест месеци“.
Тој рече дека американските инструктори ќе го објават крајот на обуката кога ќе бидат задоволни како пилотите, инженерите и техничарите ги совладале новите вештини.