Алтернативните Анти Нобелови награди и оваа година привлекоа големо внимание во професионалните кругови, додека јавноста уште еднаш имаше можност да види што имале на ум „лудите“ научници да проучуваат.
Награди по категории
Биологија – Сузана Шутц за анализа на варијации во мрморење, чврчорење, џагор, стенкање, подсвиркување, завивање, ржење и други форми на комуникација помеѓу мачка и човек
Екологија – Лејла Сатари за употреба на генетска анализа при идентификација на различни видови бактерии во гуми за џвакање на тротоари во различни земји
Хемија – Јорг Викер за анализа на воздухот во кината, за да провери дали мирисите произведени од публиката го покажуваат нивото на насилство во филмот што публиката го гледа
Економија – Павло Блаватски за откритието дека дебелите политичари се добар показател за корупцијата во земјата
Медицина – Оклеј Кем Булут за да докаже дека сексуалните оргазми можат да бидат подеднакво ефикасни како и лековите за подобрување на назалното дишење
Мир – Итан Бесерис, Стивен Нилвеј и Дејвид Кариер за да ја тестираат хипотезата дека луѓето развиле брада за да се заштитат од удари во лицето
Физика – Алесандро Корбета за изведба експерименти со цел да открие зошто пешаците не се судираат едни со други
Кинетика – Хисаши Мураками за изведба на експерименти за да открие зошто пешаците понекогаш се судираат едни со други
Етномологија – Џон Малренан Џуниор за студијата „Нов метод за контрола на лебарки на подморници“
Транспорт – Робин Редклиф за утврдување дека е побезбедно да се пренесат носорозите наопаку
Научната награда „Анти-Нобел“ се доделува „за достигнувања што прво те насмеваат, а потоа те тераат да размислуваш“. Основана е 1991 година од списанието „Анали на неверојатни истражувања“ (Annals of Improbable Research), како пародија на Нобеловите награди. Годинашната 31. „свеченост“ е поддржана од Универзитетот Харвард во Масачусетс (САД). Таа одеше на интернет, поради пандемијата на коронавирус.
