Интересот на граѓаните на Северна Македонија за купување недвижности во Грција расте од година во година, особено за имоти покрај море. Цените варираат во зависност од локацијата, видот на имотот и растечката побарувачка, но и покрај инфлациските притисоци, Грција останува една од најдостапните медитерански дестинации за странски купувачи.
Цени по региони
- Халкидики – најбарана дестинација. Апартман од 40–60 м² во близина на море чини од 70.000 до 130.000 евра. Во Касандра и Ситонија цените знаат да достигнат и 200.000 евра за новоградба со поглед на море.
- Пиерија (Олимпик Бич, Паралија) – понеформална и поевтина опција. Се наоѓа на 1,5 часа од граница, каде апартман од 50 м² се продава за 50.000–90.000 евра.
- Лефкада, Кефалонија и Крит – островските дестинации се поскапи. За имот покрај плажа, цените почнуваат од 150.000 евра, додека вилите со базен може да чинат над 500.000 евра.
Странци, вклучително и државјани на Македонија, можат легално да купуваат недвижности во Грција, но со неколку предуслови:
- Потребно е да се отворат даночен број (AFM) во Грција.
- Се отвора банкарска сметка во грчка банка.
- Купувањето се врши исклучиво преку овластен нотар, а најчесто преку агент за недвижности.
Дополнително на цената на имотот, купувачот плаќа:
- Данок на пренос на имот (3%)
- Нотарски и адвокатски трошоци (околу 1–2%)
- Такса за имотна агенција (2%)
- Такса за впишување во катастар (0,5%)
