Во несреќа на минибус во Перу загинаа четворица туристи. Повредени се 16, од кои четворица Французи. Инцидентот се случил по посетата на тврдината Мачу Пикчу, соопштија локалните власти, цитирани од Франс прес.
Двајца од загинатите се Колумбијци, а другите двајца се уште не се официјално идентификувани, соопштија регионалните власти во Куско.
Покрај четворицата Французи, меѓу повредените има и двајца Грци, двајца Канаѓани, двајца Израелци, двајца Аргентинци, двајца Перуанци, еден Холанѓанец и уште еден турист кој се уште не е идентификуван.
Après avoir visité le Machu Picchu, quatre touristes perdent la vie https://t.co/Jjvil2uWQw
— 20 minutes (@20minutesOnline) August 23, 2022
Катастрофата се случи ноќта меѓу неделата кон понеделникот на стотина километри од Куско, античкиот главен град на Инките и главната точка на поаѓање за посета на Мачу Пикчу.
Минибусот паднал во „провалија длабока повеќе од 100 метри“, изјави министерот за труд и туризам Роберто Санчез, додавајќи дека „во моментот на несреќата имало магла“.
Tres colombianos y un peruano, las víctimas fatales de accidente en #Cusco #MachuPicchu https://t.co/QwN3wzUBVr
— Somosfan (@SomosFancom) August 23, 2022
Некои ранети мораа да бидат однесени во главниот град Лима со авион обезбеден од воздухопловните сили, додаде министерот.
Cusco: cuatro turistas muertos al caer minivan a precipicio en vía Machu Picchuhttps://t.co/2kBVADmkST
— Diario El Popular 🇵🇪 (@elpopular_pe) August 23, 2022
Сообраќајните несреќи се вообичаен феномен во Перу поради лошата состојба на патната мрежа, преголемата брзина или недостатокот на ознаки, наведува АФП.