Американскиот претседател изјави дека во согласност со Националниот закон за вонредни состојби, указот за вонредната состојба на Западен Балкан останува на сила.
Џозеф Бајден посочи дека поради оваа причина е неопходно да се продолжи вонредната состојба прогласена со Извршната наредба 13219 за Западен Балкан.
„Актите на екстремистичко насилство и опструкционистичка активност, како и ситуацијата на Западен Балкан, која го попречува напредокот кон ефективно и демократско владеење и целосна интеграција во трансатлантските институции, наведени во овие извршни наредби, продолжуваат да претставуваат невообичаена и исклучителна закана на националната безбедност и надворешната политика на Соединетите Држави“, рече Бајден во пораката до Конгресот, објавена на веб-страницата на Белата куќа.
Според соопштението објавено на веб-страницата на Белата куќа, извршната наредба првично била потпишана на 26 јуни 2001 година, а потоа била изменета со Извршната наредба од 28 мај 2003 година, која била проширена според Извршната наредба 14033 и останува во сила по 26 јуни 2023 година.
