Нова драма се случи со Боинг. Овој пат во Сенегал.
Авион со 78 патници се лизна од пистата пред полетувањето на главниот аеродром во Сенегал во вторникот, во несреќа во која беа повредени 11 лица.
Аеродромот „Блез Диањ“ издаде соопштение дека причината за несреќата, која се случила околу 3 часот по полноќ, додека Боингот 737-300 на Трансаир, изнајмен од „Ер Сенегал“ требаше да полета за Мали, е под истрага. Снимките на социјалните мрежи покажуваат авион со логото на сенегалската авиокомпанија Transair во тревата со крилото покриено со противпожарна пена.
Во соопштението на аеродромот се наведува дека се активирани протоколи за итна евакуација на патниците. „Аеродромот засега е затворен… Се очекува повторно да биде отворен во следните неколку часа“, се додава.