Бугарскиот оператор за пренос на гас „Булгартрансгаз“ ЕАД и операторот на системот за пренос на гас на Република Северна Македонија „ГА-МА“ АД денеска ќе потпишат договор за интерконекција на точката Ќустендил/Жидилово, соопшти прес-центарот на Министерството за енергетика, пренесе БНР.
Така, Северна Македонија ќе добие можност да ги диверзифицира испораките на гас.
Документот ќе биде потпишан во присуство на министерот за енергетика Росен Христов, министерот за економија на Република Северна Македонија Крешник Бектеши и амбасадорката Агнеса Руси.