Бундестагот денеска ќе одржи дебата посветена на истрагата на екстремно десничарската терористичка група која наводно планирала да ја собори германската влада.
Комисиите за правни и внатрешни работи ќе се состанат на посебна седница, а пратениците во германскиот парламент ќе можат да поставуваат прашања за истрагата до парламентарната контролна комисија, која заседава зад затворени врати.
Дваесет и пет осомничени, меѓу кои и поранешен пратеник, беа приведени во серија полициски рации во средата. Според обвинителството, тие се обиделе да го урнат демократскиот поредок и да доведат нова влада на власт.
Обвинителите веруваат дека главните осомничени припаѓаат на терористичка група поврзана со екстремистичкото движење Граѓани на Рајх, кое не го признава авторитетот на германската држава.
Пратеничката група на конзервативната Христијанско-демократска унија (ЦДУ) и Христијанско-социјалната унија (ЦСУ) побара вонредните седници на парламентот за да се утврди дали осомничените биле однапред предупредени за да можат да се ослободат од оружјето и другите докази пред полициските операции.