Четворица Италијанци, меѓу кои и поранешен пратеник во Европскиот парламент од групата на социјалистите и демократите и соработник во Европскиот парламент, се приведени во Брисел , јави БТА.
Тие се осомничени дека биле вмешани во криминална група која влијаела на носење политички и економски одлуки.
Според локалните медиуми, уапсените биле финансирани од Катар и ќе одговараат за корупција и перење пари.
Претресени се 14 адреси во главниот град на Белгија, а другите двајца се приведени шеф на Меѓународната конфедерација на синдикати и директор на невладина организација.
Инспекторите пронашле половина милион евра во кеш. Истрагата започна во јули.