Српскиот кошаркар Никола Јокиќ ја освои титулата во НБА лигата по победата од 4:1 во големата финална серија против Мајами.
Никола со своите игри ги испиша страниците од историјата на НБА, бидејќи зад себе остави легенди на ова натпреварување со неверојатни партии и бројки.
Јокиќ го предводеше Денвер до триумф против Мајами до првата титула, со просек од 30,8 поени, 13,5 скока и 8 асистенции. Претходно Јокиќ беше прогласен за МВП во Западната конференција. Во решавачкиот петти натпревар од финалето, тој постигна 28 поени, заедно со 16 скока и четири асистенции.
Сето тоа ги натера дури и неговите најголеми критичари да се поклонат и да признаат дека моментално е најдобриот кошаркар во светот. А критики имаше и во текот на кариерата на Јокиќ.
Она што е интересно е што уште од самиот драфт, кога беше избран од Денвер во второто коло, лигата не го покажа Јокиќ, туку ја објави сега веќе познатата реклама за Тако Бел.
Покрај тоа што е „дебел човек кој не може да скока“, го следеа и критики дека никогаш нема да освои ништо, дека не може да забива, дека случајно дошол во НБА. Сепак, сето тоа го издржа, работеше на себе и беше свој.
Низ годините и кога освои две МВП титули во регуларниот дел од сезоната со трипл-дабл и асистенции, како и победи, критиките не престанаа.
Само оваа сезона Никола не ја доби третата последователна титула МВП, туку гласовите на одговорните за изборот отидоа кај Џоел Ембиид.
Во продолжение да ја споменеме и познатата фотографија од Ол Стар. Никола дојде на најатрактивниот меч сезонава како актуелен МВП, за да го остави Леброн Џејмс и да биде избран последен.
Сега ситуацијата е сосема поинаква. Никола е кралот на НБА лигата и МВП на финалната серија.
Jokic went from being LeBron’s last pick in the all star game to sweeping him pic.twitter.com/xVrTw3QQEb
— NBA Memes (@NBAMemes) June 11, 2023
