По инцидентот во Софија во кој македонски лекар прегази улично куче, бугарските медиуми шпекулираа дека д-р Ненад Цоневски си заминал од државата и пристигнал во Македонија.
Сепак, софиската полиција денес потврди дека тој со заедно со неговиот адвокат самиот се пријавил, по што му биле дадени материјалите од обвинението и бил пуштен со кауција од 5 илјади лева.
Бугарското обвинителство веќе соопшти дека против него е покренато обвинение за „екстремна суровост кон животно“, но не и за убиство, бидејќи кучето било евтаназирано подоцна.
Вознемирувачката снимка од инцидентот предизвика жестоки реакции и протести кај нашиот источен сосед, а доколку судот во Бугарија го прогласи за виновен, Цоневски се соочува со затворска казна од една до пет години.
Додека трае истрагата, тој е суспендиран од работното место во Военомедицинската академија во Софија