Netflix сега ќе ви овозможи да ги зачувате и повторно да ги споделувате вашите омилени сцени директно со вашите пријатели и следбеници.
Воведена на корисниците на iOS исклучиво во апликацијата Netflix, новата функција Moments им овозможува на корисниците да паузираат содржина, да зачуваат клип од она што штотуку го гледале на нивната сметка, а потоа да го споделуваат на социјалните мрежи, групните разговори и на други места.
Зачуваните клипови ќе бидат достапни под табот My Netflix и ќе ги гледате од моментот во содржината во која сте ги зачувале. Новата функција ќе биде додадена за корисниците на Android во наредните недели.
Манијата за споделување омилени моменти од серии и филмови, односно популарни актерки и актери, започна во средината на 2000-тите во форма на опсесија со GIF-ови. Постојат кориснички сметки на X и TikTok кои не прават ништо друго освен генерирање и споделување на овие клипови, кои привлекуваат милиони прегледи.
Снимањето на екранот досега не беше возможно во апликацијата на Нетфликс, што ги натера корисниците да користат нелегални софтверски алатки. Нетфликс ќе објави и видео серија во која ѕвездите на Нетфликс ги прегледуваат своите омилени сцени, пренесува tportal.