Руските државни медиуми јавуваат дека по земјотресот со јачина од 7 степени, кој го погоди источниот брег на Русија, еруптирал вулканот Шивелуч.
Вулканот е оддалечен околу 450 километри од крајбрежниот град Петропавловск-Камчатка, кој има околу 180.000 жители, пишува CNN.
A 7.0 magnitude earthquake off Russia’s eastern coast triggers an eruption of the Shiveluch volcano. #earthquake pic.twitter.com/phvas6N7SM
— swati saini (@swati8saini) August 18, 2024
Полуостровот Камчатка е една од сеизмички најактивните области во светот.
„Според визуелните проценки, пепелта се издигнува на дури 8 километри надморска височина“, објави утринава ТАСС, додавајќи дека вулканот исфрлил лава.
Според Геолошкиот институт на САД (USGS), епицентарот на земјотресот бил на длабочина од 48 километри.
Powerful 7.2 magnitude earthquake has struck Russia and a volcanic eruption has begun
Kamchatka was hit. Aftershocks were felt up to 108 km from the epicenter. Ash emissions from the Shiveluch volcano pose a threat to aviation. pic.twitter.com/zHT5aZKeT0
— NEXTA (@nexta_tv) August 18, 2024
ТАСС наведува дека по земјотресот не е забележана поголема штета, но дека властите превентивно ја проверуваат безбедноста на зградите во околните области. Полуостровот Камчатка е една од сеизмички најактивните области во светот поради средбата на тектонските плочи на Тихиот Океан и Северна Америка.