Кандидатот на ПДП за градоначалник на Бања Лука, Драшко Станивуковиќ, прогласи убедлива победа во Бања Лука.
Тој на својот Инстаграм профил напиша дека доминирале и на овие избори, пишува Српскаинфо.
– Само да ве информирам дека доминиравме и на овие избори! Акциите се посилни од опструкциите! Ви благодариме, Бања Лука! Ве сакам сите! Ги замолувам набљудувачите и сите кои не поддржуваат да останат до крај на избирачките места и на тој начин да го бранат последниот глас – напиша Драшко Станивуковиќ.
Станивуковиќ „му се заблагодари на Бога“ но и на колегите, велејќи дека сите непроспиени ноќи се исплателе.
Уште од затворањето на избирачките места, во штабот на ПДП владееше оптимистичка атмосфера, но сите, вклучително и Станивуковиќ, беа претпазливи и не сакаа да даваат изјави.
Како што одминуваше времето, од просторијата каде што пристигнуваат резултатите се почесто доминираа извици на воодушевување и скандирања „победа, победа“.
На крајот сите истрчаа да го прегрнат Станивуковиќ и започна прославата на која најгласни беа пратеничката Тања Вукомановиќ и лидерот на ПДП Бранислав Бореновиќ.
– Готово, победивме, Драшко останува градоначалник – изјави Бореновиќ за Српскаинфо.
Неофицијално, Станивуковиќ води со повеќе од 10.000 гласови од второпласираниот кандидат.
