Меган повеќе не може официјално да биде државјанин на Велика Британија, но – се чини дека се откажала од тоа одамна!
Се чини дека Меган и Хари се целосно задоволни од начинот на кој се развива нивниот „не-кралски“ живот во Америка. Помина една година откако се откажаа од кралските должности и се покажа дека Меган се откажала и од постапката за државјанство и од планот официјално да стане државјанин на Обединетото Кралство уште порано.
За потсетување, палатата Кенсингтон за прв пат објави дека Меган ќе поднесе барање за да стане британска државјанка откако стана дел од кралското семејство во 2017 година.
Официјалната постапка за државјанство на Велика Британија бараше Меган да живее во земјата три години – но бидејќи се пресели кон крајот на 2017 година, таа требаше да остане таму до крајот на 2020 година со цел да се стекне со државјанство. Сепак, Меган и Хари одлучија да ја напуштат земјата пред тоа и да почнат да живеат во Калифорнија.
„Сега, кога Меган и Хари јасно кажаа дека нема да живеат во Велика Британија, немаше „причина“ да се продолжи со барањето на војвотката за двојно државјанство“ – пренесува Телеграф.
Хари, од друга страна, не планира да бара американско државјанство.
Се чини дека Меган и Хари навистина не жалат што ја напуштија монархијата заради нивниот помирен живот во Америка.
„И покрај се што се случи минатата година, тие не жалат за нивниот преселба во САД. Сакаат да имаат повеќе време сега да се фокусираат на проекти што им се важни. Отсекогаш сонувале да бидат финансиски независни“ – пренесува Космополитен.
