Рускиот претседател Владимир Путин и министерот за надворешни работи Сергеј Лавров за прв пат ќе бидат санкционирани од Европската унија.
Ова го соопшти високиот претставник на ЕУ за надворешна политика и безбедност Жозеп Борел.
Според Би-Би-Си, ова е замрзнување на имотот, а не забрана за патување . Детали допрва ќе се соопштуваат.
„Дозволете ми да забележам дека единствените лидери во светот кои се санкционирани од ЕУ се (Башар) Асад од Сирија, (Александар) Лукашенко од Белорусија и сега (Владимир) Путин од Русија“, рече Борел.
Претходно беше најавено дека и Британија ќе го преземе овој чекор.