Тренерот на Олимпик Лион, Фабио Гросо синоќа е повреден во напад на хулигани во автобусот на неговиот клуб, кој ги превезувал играчите и стручниот штаб на стадионот „Велодром“ на мечот со Олимпик Марсеј.
Натпреварот од 10. коло на француското национално првенство меѓу Олимпик Марсеј и Олимпик Лион беше одложен поради дивеењето на хулиганите по улиците на Марсеј.
Автобусот на Олимпик од Лион бил гаѓан со камења на патот кон стадионот во Марсеј, а потоа италијанскиот стручњак добил повреди на главата од парчиња скршено стакло на стаклата на автобусот, што предизвикало крварење, пренесува францускиот весник „Л’Екип“.