Два авиона на авиокомпанијата easyJet се судрија утринава околу 06:30 часот по британско време, додека таксирале на аеродромот во Манчестер, соопшти портпарол на аеродромот. При инцидентот, крилата на двата авиона се закачиле, но нема пријавени повредени патници или членови на екипажот.
Патниците од двата лета – еден кон Париз и друг кон Гибралтар – безбедно се симнале од авионите. По кратка суспензија на летовите заради безбедносна проверка, утврдено е дека штетата на авионите е мала и сообраќајот на аеродромот е нормализиран.