Французите се познати по своите слатки специјалитети, а можат да се пофалат и со одлични чоколадни пијалоци. Направете топло чоколадо како да сте Французи и уживајте во вкусот. Поради ванилата и циметот низ куќата се шири прекрасен мирис, подготовката е навистина едноставна. Рецептот е прегледан од над 2 милиони луѓе на YouTube и брзо стана популарен.
Состојки:
-
- 1/2 л млеко
- 100 гр темно чоколадо
- 1-2 стапчиња цимет
- прстофат шеќер
- неколку капки екстракт од ванила
- 1 лажица какао
- прстофат сол
Подготовка:
Истурете млеко во тава, потоа додадете цимет и варете додека не зоврие. Потоа извадете го циметот и додадете го какаото. Добро измешајте да нема грутчиња.
Потоа истурете прстофат сол и шеќер, како и неколку капки ванила. Промешајте и додадете го чоколадото. Мешајте и варете убаво да се растопи и да се соединат сите состојки.
