Ноќниот клуб „Вилиџ“ во Виена целосно изгоре во голем пожар што избувна во раните утрински часови. Австриските медиуми известија дека објектот бил затворен во моментот кога започнал пожарот, а причините засега не се познати.
Професионалната противпожарна служба на Виена интервенирала веднаш по пријавата, но по пристигнувањето пожарот веќе бил проширен и ја зафатил поголемата површина од зградата. Дел од конструкцијата се урнал поради силата на огнот.
Во акцијата за гаснење учествувале 88 пожарникари со 23 возила, користејќи два водни топа за да го стават огнот под контрола. И покрај интензивната интервенција, објектот целосно изгорел, а делови од зградата биле разурнати.
Надлежните служби ја продолжуваат истрагата за да ја утврдат точната причина за избувнувањето на пожарот.