Зголемен сообраќај е забележан утрово низ Македонија и на граничните премини за излез од државата.
„Утрово има зголемена фреквенција на Табановце, каде за излез од државата се чека околу 45 минути до 1 час, а на останатите гранични премини, нема подолго задржување за влез и излез од државата“
велат од АМСМ
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
ИЗВЕСТУВАЊЕ: Виадукт Трејд известува дека на ден 24.08.2021 година (вторник) во период од 10:00 до 16:00 часот, ќе важи времена измена на режимот на сообраќај во времетрање од 45-60 дена, со комплетно затворање на делницата при изведување на грaдежни активности – асфалтирање на Регионален пат Р1202, делница Маврови Анови – Жировница.