Терористичката организација Хамас ослободи 13 заложници од Појасот Газа, соопштено е.
„Првата група израелски заложници сега се во рацете на персоналот на Меѓународниот комитет на Црвениот крст и се во амбулантни возила на излегување од Газа преку преминот Рафах“, изјави израелски претставник, според Тајмс оф Израел.
Тие ќе бидат ослободени во замена за 39 палестински затвореници што ќе ги ослободи Израел.
Предметните жени и деца беа киднапирани на 7 октомври откако Хамас го изврши нападот.
LIVE: Rafah crossing as Israel and Hamas agree to ceasefire https://t.co/Tnm8neezgm
— Reuters (@Reuters) November 24, 2023
Се очекува заложниците да бидат донесени на преминот Рафа на границата со Египет.
На социјалните мрежи е објавено видео на кое се гледа моменталната состојба на граничниот премин.
Тајландскиот премиер соопшти дека денеска Хамас ослободил 12 нивни државјани, кои не биле дел од договорот меѓу Израел и Хамас.
Израелската војска претходно денеска соопшти дека „подготвила“ неколку локации за пристигнување на ослободените заложници и дека тие ќе бидат упатени во болниците за да се обединат со своите семејства откако ќе бидат прегледани.
Ослободувањето на заложниците е дел од договорот за четиридневен прекин на огнот меѓу Израел и Хамас.