Хрватска радио телевизија (ХРТ) загуби два судски процеси во судовите откако обвинија корисник од Водњан и жена од Загреб дека во куќата имале ТВ приемник кој не го пријавиле, пишува Телеграм.
Во случајот со човекот од Водњан, ХРТ во тужбата наведува дека на 19 август минатата година, врз основа на „директно набљудување“, нивниот контролор утврдил дека обвинетиот не го регистрирал телевизорот и дека на тој начин го прекршил Законот за ХРТ. Поради ова му одредија казна од 130 евра, со која се казнува секој што не регистрирал, или користи нерегистриран телевизор.
Имено, ХРТ има право да поведе прекршочна постапка против граѓаните кои нема да го пријават телевизорот кај ХРТ 30 дена по купувањето. Овој рок е пропишан со Законот за ХРТ, но инспекторите обично не успеваат да најдат докази кога е купен телевизорот. Затоа во процедурите не може ниту да се пресмета законскиот рок за пријавување.
