И Царовска заминува од Владата – „Одлучив да не учествувам во новата Влада“

„Донесов одлука да не учествувам во новата Владата со новиот мандатар“, соопшти денеска министерката за образование и наука Мила Царовска.

Таа вели дека во изминатите пет години заедно со нејзиниот тим навистина испорачале политики во интерес на граѓаните.

„Јас продолжувам да се борам и да се застапувам за истите вредности и за истите политики и навистина верувам во капацитетот и силата на државата, како и во силата на жените и младите“, рече Царовска.

Повлекување од министерската функција во новиот состав на Владата во петокот најави и министерката за одбрана Радмила Шекеринска.

Во ресорот образование треба да биде назначен и нов заменик-министер откако оставка даде Арафат Шабани од движењето Беса.

Заменик-министерот за образование ќе биде од редовите на Алтернатива. Партијата за тоа место го предложи Лулзим Алиу.

Поврзани вести

Најважното