Институтот за јавно здравје најавува детална анализа за смртноста во нашата земја.
Директорот на Институтот за јавно здравје, Шабан Мемети за ТВ21 вели дека во соработка со други институции, покрената е иницијатива за детална студија за пациентите кои починуваат од коронавирус, односно – кои се вистинските причини и зошто бројот на жртвите останува висок?!
„Анализата треба да ја опфати секоја смртност, секој смртен случај од Ковид, придружните болести во детали и која е суштината од што починал човек“, вели Мемети за ТВ21.
На прашање за тоа колку време ќе трае студијата, Мемети вели дека тоа е зависно од податовите и соработката што ќе ја имаат во овој случај.