Поранешниот премиер Имран Кан во Пакистан го заврши својот марш во главниот град Исламабад, давајќи ѝ на владата 6 дена да одреди датум за избори и да го распушти парламентот.
Кан им се обрати на членовите на Пакистанската Партија за движење на правдата (ПТИ) на 9-та авенија во Исламабад.
Во својот говор, Кан го заврши својот марш во главниот град, наведувајќи дека и дал на владата 6 дена да одреди датум за избори и да го распушти парламентот.
Поранешниот премиер Кан предупреди дека доколку не се донесе изборната одлука, тој ќе се врати во главниот град со сите Пакистанци.
Тврдејќи дека владата сака да ја доведе полицијата против народот и да создаде анархија, Кан рече: „Бев решен да останам овде додека владата не одлучи да направи избори и да го распушти парламентот, но по она што го видов во последните 24 часа. Решив да го прекинам маршот“.
Кан ги осуди „тактиките на рација и притворање“ на владата, тврдејќи дека продолжувањето на демонстрациите, маршот и конфликтот ќе ја израдуваат владата.
Тврдејќи дека мирните демонстрации се обиделе да се спречат со бомби со солзавец, притворања и апсења, Хан ја изрази својата среќа што високиот суд го ставил ова прашање на својот дневен ред.
Кан тврди дека 5 припадници на ПТИ ги загубиле животите за време на маршот кон главниот град, а 3 припадници на ПТИ за време на демонстрациите во Карачи, а еден од нив паднал од мостот поради солзавецот на полицијата.
Приврзаниците на Кан се судрија со полицијата
Полицијата во Исламабад затвори со контејнери многу патишта што водат до Исламабад во провинцијата Пенџаб за да го спречи маршот што поранешниот премиер Кан го најави да го одржи барајќи предвремени избори.
Потоа дошло до судир меѓу приврзаниците на Хан и полицијата, која сакала да ги пробие барикадите во различни делови на Пенџаб.
Полицијата употреби солзавец за да ги растера поддржувачите на ПТИ предводени од Кан, кои се собраа во различни делови на најголемиот град во Пенџаб, Лахоре.
Владата на Имран Кан падна
Владата на Имран Кан падна како резултат на гласањето за доверба одржано во пакистанскиот парламент на 10 април.
Шахбаз Шариф, брат на Наваз Шариф, кој беше премиер во три мандати во земјата, беше избран за премиер со поддршка од апсолутното мнозинство со 174 гласа на изборите одржани на 11 април.
Средбата на Кан со претседателот Владимир Путин во главниот град Москва на 24 февруари, кога Русија ги започна своите напади врз Украина, предизвика непријатност во западните земји.
Одбранувајќи ја оваа ситуација со зборовите дека на неговата земја „и треба снабдување со гас, пченица и технологија поврзани со сајбер безбедноста“, Хан ги обвинува САД за соборувањето на неговата влада.
