Власта не ја плашат ниту интерпелациите, ниту гласањето доверба, но од друга страна бараат од опозицијата конструктивност и да имаат предвид дека сме во време на пандемија, но и дека треба да се отворат пристапните преговори. Првиот вицепремиер, Артан Груби, запрашан околу можната интерпелација против него и министерот за надворешни работи, рече дека не стравува од такви работи, туку од недостиг на идеи од опозицијата.
И министерката за одбрана, Радмила Шекеринска, се сомнева дека опозицијата ќе успее околу барањето за гласање доверба на Владата.
Пред неколку дена, во емисијата „Клик Плус“ на ТВ21, претседателот на ВМРО-ДПМНЕ, Христијан Мицкоски, најави дека до Собрание ќе поднесе барање за гласање доверба на Владата.
Темата за покренување интерпелација, дури и гласање доверба, се отвори откако земјата не ги започна пристапните преговори затоа што Бугарија стави вето поради историските спорови меѓу двете земји. И албанската, и македонската опозиција се произнесоа „за“ интерпелација против Заев, Османи и Димитров, но последното интервју на премиерот Заев за бугарски медиуми, ја натера опозицијата да најави и гласање за доверба на Владата. Мицкоски дури рече дека Заев ги урнал преговарачките позиции и дека веќе нема враќање назад.
The post Интерпелациите не ја плашат Владата – Дали Владата би „преживеала“ ако се гласа за нејзина доверба?! appeared first on TV21.mk.