Натпреварот Шкупи – Шкенидја од четвртфиналето на фудбалскиот Куп на Македонија е во прекин поради влегување на домашни навивачи на теренот на стадионот во скопската населба Чаир.
Големиот инцидент се случи во 9.минута кога гостите од Тетово поведоа со 1:0. Стрелецот на голот, Дашмир Елези по постигнување на голот ги испровоцира најбучните навивачи на Шкупи. Некои од нив влегоа во терен и ги нападнаа гостинските навивачи.
Веднаш реагираа припадниците на Единицата за брзо распоредување (ЕБР) кои спречија поголем инцидент и ги штитеа фудбалерите на Шкендија на патот кон соблекувалните.
Нешто подоцна двете екипи се повлекоа во соблекувалните.