Иран започна нов бран ракетни напади врз американската база во Катар, врз кампот во Кувајт и врз базата во Ирак, соопшти денес Корпусот на исламската револуционерна гарда (IRGC).
Покрај тоа, иранската војска започнала „масовен ракетен напад“ врз Петтата флота на САД во регионот, а агенцијата ISNA пренесува дека „оперативната инфраструктура на американската војска е уништена“, наведувајќи дека станува збор за „најразорната и најтешката операција“ од почетокот на војната.
Претходно портпарол на иранската војска ги повика земјите од регионот на Блискиот Исток да ги откријат засолништата на „американско-ционистичките сили“, тврдејќи дека американските и израелските сили убиваат цивили.
Тој ги повика земјите од регионот да му откријат на Иран каде се кријат американските и израелските сили, со цел „да се намали штетата врз цивилите“.