Портпаролката на иранската влада, Фатеме Мохаџерани, за државната новинска агенција ИРНА изјави дека заканата на американскиот претседател Доналд Трамп за уништување на иранската цивилизација е „знак на незнаење“ што нема да помогне во можниот дијалог.
„Зачувувањето на мирот и безбедноста на граѓаните е врвен приоритет на владата, а заканите нема да го нарушат јавниот мир“, рече Мохаџерани во интервју за ИРНА денес.
„Вратата за дијалог се отвора со почит; тесниот пат на закани, ситност и понижување не е патот напред.
Заканите за „цивилизацијата“ се, пред сè, знак на незнаење за историјата на еден народ кој многу пати надминал кризи и продолжува да преживува“, додаде таа.
Порано денес, американскиот државен секретар, Марко Рубио, посочи дека „ќе има повеќе вести подоцна денес“ кога новинарите на CNN го прашаа дали очекува Иран да седне на преговарачка маса.