Италија испрати втор воен брод да ја придружува меѓународната хуманитарна флотила која претходно беше нападната од дрон додека се обидуваше да достави помош во Газа, изјави министерот за одбрана на земјата, Гвидо Кросето.
Флотилата „Глобал Сумуд“, составена од околу 50 цивилни бродови, се обидува да ја пробие израелската поморска блокада на Газа, објави Ројтерс.
Првата италијанска фрегата беше испратена во среда, неколку часа откако бродовите на флотилата беа нападнати од беспилотни летала кои исфрлаа шок бомби и иритирачки прав, на 56 километри од грчкиот остров Гавдос, во меѓународни води.
Италија испраќа втор воен брод за да ја следи флотилата со помош за Газа
