Буџетот за 2020 кој денеска помина на редовната владина седница е проектиран на 3,9 милијарди евра.
Ќе се зголемуваат пензиите од 700 до 730 денари, а вкупното покачување до крајот на годината ќе изнесува од 850 до 900-тини денари.
Министерката за финансии, Нина Ангеловска вели дека наместо да се унапредувале, во изминатиот период се уназадувале основите на човечкиот капитал.
На овие проекции на Владата реагираа од ВМРО-ДПМНЕ, кои велат дека буџетот ќе се потроши на популистички и неразвојни програми.
Во предлог-буџетот кој го изработи Владата, предвидени се и 10 милијарди денари за одбраната. Со овие пари министерката Шекеринска вели ќе може да се модернизира во сите делови од Армијата, согласно долгорочниот план.