Обвинителството на Босна и Херцеговина издаде налог за апсење за сослушување на претседателот на Република Српска (РС) Милорад Додик , премиерот на РС Радован Вишковиќ и претседателот на Народното собрание на РС Ненад Стевандиќ.
Додик, Вишковиќ и Стевандиќ треба да бидат приведени од правосудната полиција со помош на која било полициска агенција, пишува Klix.ba.
Обвинителството ги товари за сторено кривично дело – напад на уставниот поредок.
Тие претходно не се одзваа на поканата за распит од Обвинителството на БиХ. Додик минатиот четврток изјави дека ја добил поканата, а во понеделникот го тврдеше спротивното.
Доколку тројцата не бидат приведени, ќе биде издадена внатрешна потерница според која секоја полициска агенција во БиХ може да ги уапси, вклучително и Граничната полиција.
Доколку не бидат фатени според таа потерница, тогаш ќе биде издадена Интерпол или меѓународна потерница.