Демократската кандидатка Камала Харис денеска изјави дека е подготвена да направи тест за ментални способности и го покани нејзиниот републикански ривал, поранешниот американски претседател Доналд Трамп да го стори истото.
„Се разбира. И го предизвикувам да го стори истото. Мислам дека тој всушност станува сè понестабилен и прибегнува кон прозивки, бидејќи тој навистина нема план за американскиот народ“, рече Харис во интервју за Си-Би-Ес на прашањето дали ќе го направи тестот и што мисли за забелешките на Трамп кон неа.
Таа посочи на бројни поранешни високи функционери на администрацијата на Трамп кои зборуваа против него во последните недели како доказ дека тој е „неспособен да биде претседател на Соединетите Американски Држави“.