Канадската полиција соопшти дека запленила повеќе од 400 милиони канадски долари (314,81 американски долари) во руски средства и трансакции во кои се вклучени луѓе санкционирани како резултат на војната на Москва против Украина, објави Ројтерс.
Во соопштението, Кралската канадска коњичка полиција соопшти дека помеѓу 24 февруари и 7 јуни, руските средства во вредност од 123 милиони долари биле ефективно замрзнати во Канада, а други 289 милиони долари во трансакции биле блокирани. Таа не соопшти детали.
По руската инвазија на Украина на 24 февруари, Канада воведе санкции за повеќе од 1.000 физички и правни лица во Русија, Украина и Белорусија. Во април, Отава рече дека ќе го измени својот закон за санкции за да дозволи конфискуваните и санкционираните странски средства да се прераспределат како компензација на жртвите или да помогнат во обновата на странска држава по војната.