Канадската гранична полиција синоќа соопшти дека запленила рекордна пратка од речиси 2,5 тони опиум скриен во контејнери кои минувале низ пристаништето Ванкувер, во западниот дел на земјата, пренесе Франс прес.
Канадската агенција за гранични услуги (CBSA) не го прецизираше потеклото на дрогата или дали извршиле апсења.
„Ова е најголемата заплена на опиум досега направена од страна на КГС“, се вели во соопштението на канцеларијата објавено синоќа. Во нозете на 247 пластични товарни палети по „темелен физички преглед“ се пронајдени 2.486 килограми опиум, соопшти КГС и презентираше фотографии.
Запленувањето на дрогата е резултат на истрагата што ја покрена канадската федерална полиција во септември минатата година. Тоа доведе до идентификација на 25 октомври „преку широк опсег на алатки и технологии за откривање, вклучително и технологија за рендген“ на неправилности во палетите од 19 морски контејнери, соопшти службата.
Пристаништето Ванкувер е најголемото пристаниште во Канада и главната порта на земјата за производи од Азија.
Канадските власти не го прецизираа потеклото на опиумот и не најавија апсења во овој случај. Сепак, тие посочија дека истрагата ќе продолжи на „уште потемелен“ начин.