Градоначалникот на Киев, Виталиј Кличко, изјави за Си-Ен-Ен дека иако патувал низ светот претставувајќи ја својата земја како боксер од Куќата на славните, во моментов е „многу горд што е Украинец“.
„Издржавме пред една од најсилните војски на светот. Волјата да бидеме независни е главниот приоритет за нас. И ние ги браниме нашите семејства, нашиот град, нашата земја и нашата иднина“, изјави поранешниот светски шампион во бокс во тешка категорија.
Кличко исто така повика земјите да ја поддржат Украина, бидејќи без неа ќе биде „тешко да се преживее“.
Кличко рече дека инфраструктурата – електрична енергија, греење и вода работи во Киев. Тој рече дека властите се во директна комуникација со Црвениот крст и други хуманитарни организации, кои испратија храна и поддршка што е на пат до главниот град на Украина.
Она што навистина му треба на Киев, рече Кличко, се „построги санкции против Русија“.
„Мораме да останеме обединети. Војната не е само за Украина. Таа е предизвик за целиот модерен свет, за (целиот) демократски свет“, рече тој.
Кличко го обвини рускиот претседател Владимир Путин дека се обидува да го преправи Советскиот Сојуз и да ја направи Украина „дел од руската империја“.
Градоначалникот рече дека Украинците ќе се борат за „секој плоштад“ и „секоја улица“ на Киев доколку руските сили напредуваат кон градот.
„Очекуваме огромна борба, ние се бориме за нашите семејства“, рече Кличко.
Поранешниот боксер продолжи:
„Во моментов има огромно патриотско движење. Стари луѓе, можете да замислите – лекари, актери, актери од театарот, многу професии кои никогаш не очекувале да се борат, да чуваат оружје, но токму сега тие доаѓаат кај нас“, рече Кличко.
„Тие се подготвени да се борат. Неверојатно е“, додава тој.