Греењето во Киев е целосно обновено по најновото руско бомбардирање насочено кон водоводната и енергетската инфраструктура на главниот град на Украина, објави на Телеграм градоначалникот на Киев, Виталиј Кличко.
„Градот ги обновува сите услуги по последното гранатирање. Конкретно, снабдувањето со топлинска енергија на главниот град беше целосно обновено. Сите извори на снабдување со топлина работат нормално“, напиша Кличко.
Украинските власти соопштија дека Кремљ истрелал повеќе од 70 ракети во петокот во една од најтешките баражи од почетокот на инвазијата на Руската Федерација врз Украина.
Нападот во петокот предизвика итен прекин на електричната енергија низ целата земја и го прекина пристапот до топлина и вода. Околу 3 милиони живеат во главниот град на Украина, а уште 2 милиони живеат во регионот.
Доцна навечер во саботата, голем дел од Киев остана без струја. Температурите во главниот град на Украина и на многу други места во Украина утринава се под нулата, а во вечерните часови се очекува да паднат до минус 6, според прогнозите.