Првиот македонски филм со наслов „Сестри“ (Sisterhood) е конечно достапен на светската платформа „Нетфликс“.
Инаку, ова е прв македонски филм што е прикачен на оваа платформа, а истиот е и национален кандидат за Оскар за „Најдобар интернационален филм“.
Во филмот се работи за две млади девојки, средношколки, кои се нераздвојни. Но, нивното пријателство ќе биде доведено во прашање кога ќе постираат експлицитно видео на социјалните мрежи од тинејџерски секс, а девојка од експлицитното видео ќе биде турната во вода, каде што исчезнува.
„Сестри“ е првиот долгометражен филм на Дина Дума, а нејзиното дело почнува да се гради по успешните краткометражни филмови: „Без љубов“ (2018), „Тие доаѓаат од центарот на светот“ (2017), „Елена“ (2016), „Враќање“ (2014), „In Absentia“ (2013). Таа е една од деветте жени кои ја обележаа 2021 во македонската филмска индустрија.
