Во живо Ноќно студио во живо Дали системот реагира навреме при насилство? Гледај
Балкан

Колку ќе чини скијањето во Србија оваа зима? Објавени цените за Копаоник и Златибор

Колку ќе чини скијањето во Србија оваа зима? Објавени цените за Копаоник и Златибор

Љубителите на зимските спортови кои планираат скијање во Србија оваа сезона ќе треба да издвојат различни суми во зависност од скијачкиот центар и периодот на престој. Објавени се новите ценовници за ски-карти во Копаоник, Стара Планина и Торник на Златибор, а највисоки цени и оваа година има Копаоник.

Според ценовниците објавени во српските медиуми, дневниот билет на Копаоник во предсезоната и постсезоната чини 3.900 динари за деца, 5.600 динари за возрасни и 5.000 динари за пензионери. Овие цени важат од 15 ноември до 16 декември, како и од 24 март до крајот на скијачката сезона.

Во шпицот на сезоната, од 25 декември до 7 јануари и од 11 до 17 февруари, цените се повисоки. Дневниот ски-билет тогаш ќе чини 5.000 динари за деца, 6.500 динари за возрасни и 5.900 динари за пензионери.

За разлика од Копаоник, скијањето на Торник на Златибор и на Стара Планина е поевтино. Во предсезоната, дневната карта за овие два центри чини 2.550 динари за деца, 3.450 динари за возрасни и 3.000 динари за пензионери.

Предвидени се и попусти за неделни и семејни ски-карти, а конечната цена ќе зависи од периодот во кој ќе се користат услугите на скијачките центри.

Едно евро се менува за околу 117 српски динари.

Ноќно студио

Најнова епизода

Дали системот реагира навреме? Ноќно студио со обвинителката Спасенка Андонова

Сите епизоди →
Имате вест, приказна или проблем? Пишете ни