Се продава куќата каде некогаш живеел познатиот пејач Френк Синатра.
Цената е 21,5 милиони долари, а се наоѓа во градот Чатсворт, на околу 50 километри од Лос Анџелес.
Пејачот живееше во неа во 1950-тите, додека пак домот е дизајниран од познатиот архитект Вилијам Переира, кој го дизајнираше и Уметничкиот центар „Кенеди“ во Вашингтон и облакодерот „Трансамерика“ во Сан Франциско.
Оваа куќа има седум спални соби и девет бањи, а се користела и за снимање на серијата „Луди мажи“, филмот „Девојки од соништата“ и многу други.
Исто така, Ријана сними дел од видеоспотот за песната „B**ch, Better Have My Money“ во неа.
Синатра еднаш раскажа како Џуди Гарланд и Винсенте Минели ги обновиле своите завети таму, а Мерлин Монро, исто така, била една од честите гости.
Резиденцијата е изградена на земјиште од речиси 14 хектари, коешто им обезбедува приватност на можните купувачи и идни сопственици.
Неодамна беа вложени милион долари за реновирање на куќата. Претходно, 2015 година, цената на ова здание изнесуваше 7,5 милиони долари.