По 11 дена штрајк со глад, „Кумановската група“ одлучи да го прекине штрајкот. Штрајкувањето го започнаа со барање за истрага од меѓународните институции за нивниот случај и преместување во затворот Идризово.
Во телефонски разговор, заменик – директорот на скопскиот затвор, Садуш Арифи, ни потврди дека штрајкот е прекинат, но не сакаше да открие повеќе детали. Адвокатот на 12-мината обвинети за настаните во кумановско Диво Насеље, Насер Рауфи, ни ја потврди информацијата дека затворениците го прекинале штрајкот и дека за утре има закажано средба со нив за да се запознае со деталите.