Специјалниот претставник на Европската Унија (ЕУ) за дијалог меѓу Србија и Косово, Мирослав Лајчак и специјалниот американски амбасадор за Западен Балкан, Габриел Ескобар најверојатно ќе ги посетат Приштина и Белград, објави Радио Слободна Европа.
Како што пишува медиумот, се очекува тоа да се случи во текот на неделава, а за цел има уште еднаш да се разговара со земјите за да се пронајде решение околу издавањето влезно – излезни документи за српски државјани во Косово.
Во текстот се додава и дека ЕУ и меѓународната заедница настојуваат Косово и Србија да пронајдат решение најдоцна до 31 август. Тоа е, како што се тврди, со цел да се избегне нова ескалација во северениот дел на Косово.