Необична сцена се случила во националниот парк Серенгети во Танзанија, каде е снимена возрасна лавица како води младенче гну и го враќа во своето стадо.
Организацијата на националните паркови на Танзанија објави видео на Твитер, на кое се гледа како бебе гну следи возрасна лавица покрај ногата.
Ваквото однесување е крајно чудно, а Паскал Шелутет, портпарол на националниот парк, изјави за Би-Би-Си дека во мајчинските инстинкти на лавицата доминираат природните грабливи инстинкти.
Она што особено ја зголемува бизарноста на она што се случи е тоа што зебрите и гну се меѓу омилениот плен на лавовите, бидејќи се поголеми, побавни и полесни за фаќање од антилопите и газелите, а сепак помалку опасни од биволите.
Лавовите се таканаречени „хипер-месојади“, што значи дека огромното мнозинство од нивната исхрана се базира на месо и не е ограничено на еден вид плен.
Еден здрав и возрасен лав треба да консумира помеѓу 5 и 8 килограми месо дневно, а имајќи предвид дека често се случува да не успеат да фатат нешто секој ден, многу е чудно една возрасна лавица да пропушти шанса за лесен оброк.
Lioness adopts a baby wildebeest 😮 pic.twitter.com/gbn34uw2G8
— Steve Stewart-Williams (@SteveStuWill) January 13, 2022