Полициските службеници од Тузла го пронашле телото на мајката за која се сомневале дека прексиноќа во нивниот семеен дом во Тушањ ја убила нејзината ќерка. Телото на жената е пронајдено во шумски предел над населбата, пренесува Klix.ba.
Да потсетиме, вчера беше објавено дека полицијата во Тузла трага по жена која е осомничена дека претходната вечер ја убила нејзината 31-годишна ќерка. По тој чин оставила две проштални писма и побегнала.
Маж нешто по полноќ во семејната куќа во населба Тушањ во Тузла го пронашол безживотното тело на својата 31-годишна ќерка која имала повреда на задниот дел од главата. Обвинителот нареди обдукција на телото за официјално да се утврдат причините за смртта.
Според неофицијални информации, до кои дојде Klix.ba од истрагата, се упатува на фактот дека смртта настанала со насилство, односно дека повредата била предизвикана од чекан. Нивниот извор им открил дека за убиство е осомничена мајката, која по злосторството побегнала од дома.
Дневни аваз дознава дека девојката која е убиена била тешко болна.
