Двајца македонски државјани се здобиле со тешки телесни повреди во сообраќајна несреќа што се случила на автопатот „Патот на Арбр“ во Албанија, на делницата Маќелари – Булќиза, во близина на месноста позната како „Мостот Череница“.
Според информациите од албанската полиција, несреќата се случила кога мотоцикл со скопски регистарски таблички, при обид за непрописно претекнување, излетал од коловозот и удрил во заштитен ѕид покрај патот.
Повредените биле итно префрлени во болницата во Булќиза, каде што им била укажана прва медицинска помош, а потоа се транспортирани во Клиниката за трауматологија во Тирана за понатамошен третман.
Албанската полиција работи на расчистување на причините за несреќата.
