Цел дел од мемоарите на поранешната германска канцеларка Ангела Меркел е посветена на Западен Балкан. Меркел ја опишува средбата со вицеканцеларот Зигмар Габриел, министерот за надворешни работи Франк-Валтер Штајнмаер и други.
Габриел, пишува Меркел, рекол дека не само што треба да се вратиме на минатото, туку и да размислуваме за лекциите од историјата за денешните проблеми. Меркел одговори:
-Во право сте, особено кога станува збор за Првата светска војна. По југословенските војни од 1990-тите, мораме да придонесеме трајно да обезбедиме мирен соживот на Западен Балкан, ни претстои уште многу работа, рече таа.
Како што потсетува Меркел, во тоа време Словенија и Хрватска веќе беа во ЕУ, додека другите земји од регионот Србија, Македонија, Босна и Херцеговина, Косово и Албанија беа во една или друга фаза од патот кон ЕУ.
-Но, во нашите разговори најмногу бевме загрижени за постојаните тензии, пред сè меѓу Србија и Косово, како и внатре во државите, особено Босна и Херцеговина. И во 2014 година, сто години по почетокот на Првата светска војна, мирот во регионот беше кревок, пишува поранешната канцеларка.
На опишаната средба, пишува таа, предложила на состанок да се соберат земјите од Западен Балкан кои сè уште не се во ЕУ за да ја зајакнат меѓусебната соработка.
Раѓање на Берлинскиот процес
Штајнмаер предупреди дека тоа може да изгледа несоодветно – дека, со оглед на историјата на Германија, Берлин повикува на такви состаноци без поширок договор во Европа.
Меркел се согласи. Првата конференција ја организираше Германија, но учествуваа и други. Така се роди таканаречениот Берлински процес, за кој Меркел смета дека е „голем успех“.
Пред сè пишува таму биле договорени конкретни проекти на Европската комисија и државите од регионот, инфраструктурни проекти, канцеларијата за младинска соработка RYCO и економска соработка.
– Добро е што не дочекавме сите овие земји да станат дел од Европската унија за да најдеме модели на соработка, вели Меркел.
Сепак, кратката глава заклучува дека има уште многу проблеми: „Бев и останав убедена дека само членството на сите земји од Западен Балкан во ЕУ може да обезбеди траен и мирен соживот во регионот. Колку и да е трнлив патот до таму, мора да се следи“.
