Руска ракета навлезе во воздушниот простор на Молдавија.
Претседателката на Молдавија, Маја Санду изјави дека руска ракета го нарушила воздушниот простор на Молдавија ноќта на 24 декември.
„Додека нашите земји го слават Божиќ, Кремљ избира уништување – таргетирање на украинската енергетска инфраструктура и нарушување на воздушниот простор на Молдавија со проектил – дејствија кои јасно го прекршуваат меѓународното право“, рече Санду.
While our countries celebrate Christmas, Kremlin chooses destruction—targeting Ukraine’s energy infrastructure and violating Moldova’s airspace with a missile, actions that clearly violate international law. Moldova condemns these acts and stands in full solidarity with Ukraine.
— Maia Sandu (@sandumaiamd) December 25, 2024
Претседателката на Молдавија, исто така, рече дека нејзината земја ги осудува овие напади.
Да потсетиме, Русија во средата изврши жесток напад врз Украина и во тој процес ја таргетираше енергетската инфраструктура на Украина, која остави некои делови без струја.
Во нападите ранети се најмалку шест лица во североисточниот град Харков, а едно е убиено во областа Днепропетровск, соопштија тамошните гувернери.
Половина милион луѓе во регионот Харков останаа без греење на температури само неколку степени над нулата, додека струјата снема во Киев и другите градови.