Цените на нафтата пораснаа за околу 1 отсто на денешната трговија, продолжувајќи го својот нагорен тренд од вчера, откако официјалните податоци покажаа пад на залихите во САД по зимската бура што ги погоди САД кон крајот на минатата година, објави Ројтерс.
Фјучерсите на северноморскиот брент за испорака во март додадоа 79 центи, или 1 отсто, на 79,48 долари за барел, откако во четвртокот поскапеа за 85 центи.
Американската лесна сурова нафта додаде 80 центи, или 1,1 отсто, на 74,47 долари за барел, откако во четвртокот поскапе за 83 центи.
Залихите на нафтени дестилати, вклучително и дизел и масло за греење, паднаа за повеќе од очекуваното минатата недела, што е намалување за 1,4 милиони барели од очекуваните 396.000, според американската Администрација за енергетски информации. Залихите на бензин сепак паднаа за 346.000 барели наспроти очекувањата на аналитичарите за 486.000 барели.